علق كريم فؤاد، لاعب الفريق الأول لكرة القدم بالنادي الأهلي، على إصابته بقطع في الرباط الصيلبي، والتي تعرض لها أثناء مشاركته في مباراة فريقه أمام سموحة.
وكتب كريم فؤاد، عبر صفحته الشخصية على موقع التواصل الاجتماعي “فيس بوك”:” كل خسارة دُونَ الجنة ، فهي دُون.. اللهم لك الحمد كما ينبغي لجلال وجهك وعظيم سلطانك”.
وتابع:” الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها ، ودا بيكون إختبار ليك هتعمل ايه في الموقف دا ، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا “.
وأضاف:” انا كان مكتوبلي اصابة في الرباط الصليبي للمره التانيه ، بس عندي احساس تاني خالص مع الإختبار دا ، انه انا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير ، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن”.
وأردف:” عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني”.
وواصل كريم فؤاد:” انا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء.. الحمدلله مستعد للإختبار ومتحمس”.
وأتم:” شوية وقت وهنرجع نحارب من تاني.. أشوفكم على خير قريب”.
