كشف الإعلامي أحمد شوبير، عن كواليس حديثه مع محمود الخطيب، رئيس مجلس إدارة النادي الأهلي.
وقال شوبير في تصريحات إذاعية:” سألت محمود الخطيب أخبار سفرك أيه هتسافر ولا لأ، قال لي في الغالب لأ والناس يمكن إمبارح شافت الإرهاق واضح علىّ أوي”.
وتابع حارس مرمي الأهلي ومنتخب مصر الاسبق:” كانت هناك ظروف مؤخرًا خلتني قريب من الكابتن الخطيب، وأنا قلت له الفترة اللي فاتت بالراحة شويه عشان هو بيبذل مجهود كبير جدا وعنده كم ارهاق غير عادي وأتمنى يهدى على نفسه شويه ويخف على نفسه شويه”.
وشدد شوبير:” الخطيب ما يهمه هو مواصلة انتصارات الفريق الأول، يعني مثلا من 3 أيام اجتمع مع كولر ثم بعدها مع كولر وقمصان، ثم مع سامي قمصان لوحده وبعدين مع لجنة التخطيط للكرة مختار مختار ومحمد رمضان وزكريا ناصف، وبعد كده مع خالد العوضي مدير النشاط الرياضي ثم الدكتور سعد شلبي ثم اجتماع مع الناس المسؤولين عن قناة النادي الأهلي، كل ده في يوم واحد صعب جدا في يوم واحد كل هذا الجهد ربنا يقويه”.
وعن حلم الخطيب قال شوبير:” الخطيب عنده حلم واحد هو بناء استاد النادي الأهلي هو شايف كل اللي حصل من انتصارات ونتائج بس هو عايز استاد النادي الأهلي”.
