علق حسام حسن المدير الفني للمنتخب، على توتر العلاقة بينه وبين عمر كمال عبدالواحد لاعب الأهلي، وقال لا توجد أزمة مع اللاعب وأي لاعب سيتألق سيتواجد مع منتخب مصر ولا توجد أزمة بين الجهاز الفني للمنتخب وأي لاعب.
أكد حسام حسن المدير الفنى للمنتخب الوطني الأول لكرة القدم أنه حريص للغاية على انتظام بطولة الدوري؛ ولكن اللاعبين محتاجين يكونوا مع جهاز المنتخب على الأقل لفترة معقولة، اللاعب المصري بـ ينجح في المعسكرات وهذا واضح للجميع عبر التاريخ.
وقال العميد خلال المؤتمر الصحفى : الهدف من الدوري إن المنتخب يوصل كأس عالم وينافس على كأس الأمم، الأولاوية دائما لازم تكون للمنتخب.
وأضاف : عايز الناس تقولي، مين اللي كان يستحق يكون متواجد وهو مش موجود!! .. أتمنى أن يشارك فريق ٢٠٠٦ مع الأندية حتى لو ٢ لاعيبه بس تلعب مع كل نادي، هنخرج في الأخر بـ٣ أو ٤ لاعبين من الفئة العمرية دي.
وأكمل : استدعاء كوكا لأنه من اللاعبين الشباب الواعدين ،وأكرم توفيق هو لاعب مؤثر مع الأهلي مافيش خلاف، محمد حمدي هيغيب عن ماتش بوركينا بسبب طرده أمام الكونغو وده سبب استبعاده والبحث عن بدائل ، بهتم باللاعبين الصغار زي أحمد عاطف والشامي وشكري وشوبير لان دول المستقبل.
وأكمل العميد : حجازي شارك في كأس الأمم وهو لسه في مرحلة التعافي ودي حاجة تحسب ليه وعليه .. مركز قلب الدفاع فيه مشكلة في مصر، عشان كده دخلت رامي ربيعة وبيكهام من أجل علاج تلك الأزمة.
وأكمل مدرب الفراعنة: الحديث عن عدم الانضباط في المعسكرات السابقة للمنتخب، كلام غير مقبول، ولكن اللاعيبة المحترفة طبيعي توصل متأخر عشان موعد الأجندة الدولية، الانضباط بشكل عام هيبقى موجود ومافيش استثناءات .. انا متقبل لنقد الإعلام الفني الإعلام ممكن يوجهني لحاجة مهمة.
واختتم حسام حسن : الدوري المصري محتاج تعديلات، أي المشكلة اننا نعدل من نظام الدوري .. ونعمل مثلا الدوري يكون ١٨ فريق وأول ١٠ يلعبوا بعد كده مع بعض والـ٨ اللي تحت برضو يلعبوا مع بعض، التعديلات دي مش عيب .. هل دي فكرة وحشة؟ بالعكس هنزود المنافسة.
